Saja ke Ankhon mein

Saja k Ankhon men khawab rakhna,

Wafa k rishte gulab rakhna.

Faseel_e_shab men charagh ban kar,

Ye zindgi mahtab rakhna.

Yun ishq ka imtihan dena,

K dil k badle men jaan dena.

Jo chaand chunne ki arzu ho,

To justju laa jwab rakhna.

Hazar baten banaae dunya,

Hazaar dil ko dukhaae dunya.

Bhula k sari aziyaton ko,

Utha k kante gulab rakhna.

Kabhi zamane se chhup chhupa k,

Sakoot-e-shab men diye bujha k.

Hatheliyon ko DUA ki shamma,

Tu ankh apni chanab rakhna.

Adawten bhi KHUDA ki khatir,

Mohabten bhi KHUDA ki khatir.

Adawten bus gini chuni hon,

Mohabtain behisab rakhna…